Anomalías do desenvolvemento en peixes da área contaminada pola plataforma petroleira Deepwater Horizon
A toxicidade do petróleo vertido no 2010 no Golfo de México por culpa do rebentón sufrido polo Pozo Macondo, no que estaba traballando a plataforma petroleira Deepwater Horizon, continuou enfermando durante un ano ou máis aos peixes usados como indicador de saúde do ecosistema, segundo novas investigación feitas por un equipo de investigación da Universidade de California en Davis, a do Estado de Luisiana, e a de Clemson en Carolina do Sur.
Andrew Whitehead, profesor de toxicoloxía medioambiental na Universidade de California, e demais investigadores, encontraron que os embrións dos peixes, da especie Fundulus grandis, expostos a restos de lugares contaminados polo petróleo en 2010 e 2011, mostran anomalías no desenvolvemento, incluíndo defectos cardíacos, eclosión tardía e menor éxito de eclosión.
Outras especies que comparten hábitats similares co Fundulus grandis poden estar en risco de padecer efectos similares. Entre estas outras especies figuran peixes, crustáceos e moluscos.
“Estes efectos son característicos da toxicidade do petróleo cru”, explica Whitehead. “É importante que observemos o problema no contexto do derrame da plataforma Deepwater Horizon, porque isto dinos que é demasiado pronto para afirmar que os efectos do derrame son intranscendentes e ben coñecidos. Pola súa natureza, os efectos sobre a reprodución e o desenvolvementoo, efectos que poderían afectar ás poboacións, tardan en manifestarse”.
Samuel Dasilva Nieto 1º Bach.D
Tags: anomalías, Catástrofes, contaminación, mar, peixes, petróleo